实在惭愧.... 连我自己都错过了没看到呀!
但为了尽点发帖的责，在网上找了一位叫"仁魂"兄所写的旧post，图文都全: (但结果的确冷热一炉共冶，连TINTIN都....)
"呢个节目系2002年的作品, 由欧美漫画迷投票而选出十大, 至于几时投? 唔知道, 只系印象中好似听过。个节目请左唔少漫画家做嘉宾, 仲会讲下其他作品。另外, 节目中讲述英雄出身时, 登左唔少原着的画面。
由于节目先由第十位开始讲起, 所以呢个报告都系咁去。
第十位: Tin Tin(比利时)
如果你年龄细, 未必识得佢。小弟都系细个时, 系图书馆睇过佢的漫画, 印象唔深, 依家见到佢的漫画重出, 仍然未有心去买同睇番, 不过丁丁系欧洲有好大的影响, 节目中话唔少男人都梳佢的头。[香港前排都多, 因为碧咸同龙格堡梳过]
http://www.remick.net/tintin/Covers.JPG/soviets.JPG 第九位: WitchBlade(美国)
电视剧长拍长有, 进占第九位都正常, 不过估唔到Fans之中, 有一半系女性。
http://www.witchblade.com/img/full/12039/wb0005_cov.jpg 第八位: Akira(日本)
惟一入选的日本作品, 其电影令到欧美掀起日本漫画的热潮, 当中讲及一d日本漫画情况, 最特别的是认为日本漫画多是提及城市破坏/崩溃, 是受广岛和长崎核爆的影响, 不过个人认为, 这投票再迟一年、美制电影版未能上映的话, 地位可能被神勇飞鹰侠取代。
http://www.akira2001.com/html/akiraposter.jpg 第七位: Hulk(美国)
终于解开由灰色转绿色的真正原因, 由于印出来的效果不一, 时为浅灰, 时为深灰, 因而Stan Lee找来当时甚少漫画英雄使用的绿色。
http://www.marvel.com/comics/onsale/covers/1202/hulk_48.jpg 第六位: Wonder Women(美国)
由心理学家马其顿创作出来的角色, 认为反映了当时不少女性的潜意识英雄形象, 由于少研究, 我现在才知道她是母王从泥土中创造出来的。
http://www.comicscontinuum.com/stories/0211/19/wonderwoman189.jpg 第五位: Juge Dredd(英国)
依家香港人多数都系只记得史泰龙, 不过九十年代初, 香港都有唔少Fans[原因多是Simon Bisley的画]。我最初只系睇过一两本, 后黎搅中文版, 从官方手中取得大量资料, 就觉得故仔非常有意思, 只可惜三份资料中, 唔见左一份超厚Profile, 当中有好多内幕资料同设定图。:myorc3 唔知依家有边个仲有兴趣想知清楚佢呢? 有兴趣就出声喎! 话时话, 我觉得套电影版系最保留原髓的漫画电影, 连最钟意Batman的Tim Bolton版都争d。
http://www.2000adonline.com/images/artwork/bollanddredd.jpg第四位: Superman(美国)
唔驶再讲咩, 哈~~ 有人觉得佢系摩西喎! 当然有人觉得佢系Fighting Machine, 由于佢可以说系美国新移民, 因而令当时新到美国的移民引起共鸣, 当中有唔少已经系社会中坚份子。顺提, 电影第五集的故事会系由头讲过。
http://www.comicscontinuum.com/stories/0211/19/batman612.jpg 第三位: X-Men(美国)
话就话系X-Men, 其实根本系Wolverine, 咁佢又真系好受欢迎(某程度黎讲要多谢Jim Lee的画), 不过香港人真系要体会当中“包容”的意思, 因为依家系香港上映紧现实版, 只系Mutant唔系我地, 而系冇超能力的内地移民, 我地反而系入面班人类。
http://www.marvel.com/comics/onsale/covers/1102/uxm_25.jpg 第二位: Spider-man(美国)
仲以为佢第一位添! 竟然系第二位。;) Stan Lee讲左个小故事, 就是他想出Spiderman一字之后, 发现太似Superman, 于是改为Spider-man, 当然最初唔系个个人会咁理啦!
http://www.comicscontinuum.com/stories/0211/14/pc.jpg 第一位～～～Batman!!!(美国)
哈～哈～哈～YEAH~~ 作为Batman Buff, 当然会认为绝对系啦! Bob Kane系98年逝世, 固然冇可能接受访问, 于是搵左Frank Miller讲, 遗憾的系节目冇讲出Batman另一蓝本系Zorra(系History Channel节目“Biography”中关于Zorra的一集, Bob Kane亲口透露的), 不过最正都系Stan Lee讲“Better and better”...Yeah~~~
http://www.comicscontinuum.com/stories/0211/19/batmanchild.jpg 后记
节目中亦讲述了旧漫画好值钱呢件通晒天的事, 不过最少人知的系, 有人统计过73.4%的漫画英雄好钟意企系屋顶!:myorc4
你可能会发现点解有d角色唔入榜, 好像Spawn咁, 最主要的原因是个投票同时系欧美举行, Spawn系欧洲唔系太受欢迎, 始终欧洲人唔系太钟意美国口味, 呢点都系Tin Tin、Akira同Judge Dredd系冷味下入选的原因。
同时, 从结果黎睇, 投左票的人之中, 有相当部分系年过三、四十岁的人, 亦系造成部分当时得令的漫画英雄入唔到的原因。"
